Associazion Sportive Diletantistiche Mountain Bike Friûl Vignesie Julie
MTB Friuli ACSD
Devente soci
Adun, ancje in siele
Tai ultins agns il grup di cicliscj - e amîs - al è cressût. Nô - Francesco, Flavio, Simone, Nicola: la scuadre di MTB Friuli - o ti spietìn ai nestris zîrs e events, sigûrs che ti plasarà il nestri stîl, cun gjonde e cence agominism, deventant part de Associazion di MTB Friuli.
Cemût si fâsial? Ven a un nestri event!
Adun, no di bessoi
SPS, Soluzioni Per Scavezzacollo – Negozi e oficine di bici e snowboard
Fûr dai schermis
Il canâl YouTube di MTB Friuli: aventuris in mont, zîrs in grup, lis robis za fatis e chês che nus spietin!
Cjale e fâs zîrâ il trailer di MTB Friuli!
MTB Friuli al è tant par television che par radio! Chi tu cjatis l'ultime interviste su Radio On Air, cun tantis altris come la 12e pontade di Xtrim People, "Fûr dai limits!", su CafèTV24 e lis nestris feveladis cun Pauli Cantarut di "Ator ator" te prime e seconde pontade.
La Mountain Bike: un distac dai lamics di ogni dì. Su dôs ruedis, cence limits e confins. Un scjampâ dal tramais de realtât e un tornâ ae nature e aes storiis antichis.
Par me la bici al è il zîr de domenine, plui o mancul verticâl, ma ancje viaçs di plui dîs e pedaladis vie pe setemane, al puest di movisi in machine.
Esperiencis di guide, mestri, animatôr mi an puartât a deventâ Guide di MTB.
La compagnie, la partecipazion, la passion cjatâdis tal grup che al à metût sù e che al fas cressi ogni dì MTB Friuli e je une sodisfazion cence limits e che fâs nassi simpri gnovis ideis.
Soi rivât al mont de bici cuant che za o cognossevi la montagne, e intun lamp e je deventade una passion. O ai capît che la fature fate lant sù no je nuie rispiet ae gjonde dai moment sul pic dai monts, cjalant il panorame magari cussì no. No je nuie nancje denant al divertiment des dissesis, dal passaç di tocs dificii e, plui di dot, des feveladis fatis lant ator.
Ce che tu ti puartis tal cûr a son i paisaçs, i silenzis e i colôrs che la nature ti mostre e ti regale, insieme cu la amicizie che siguramenti e nas cun chei altris ator cun te.
La passion par chest mieç splendit mi à fat rivâ a deventâ mestri di secont nivel e guide di MTB.
Mandi... e in siele cun MTB Friuli!
L'odôr dal vueli tai vistîts, lis mans sporcjis dopo vê cambiât budiel, il blic taiât cun lis fuarpis e tacât cul mastic. Cheste e je par me la biciclete. Un mieç cence pinsîrs, a tocs epic, simbul di cuintriculture.
Cuindis agns fa mi è scopiade la passion pai zîrs a tapis. E jere di vore agonistiche, cun ducj i dîs a fâ alenament, lagrimis di disconfuart, manubris pleâts pe voie di sfidâ lis pendencis, il snait pe rimonte. Cussì o ai cognossûts amiis, vêrs par vie di vê fat adun fature e moments cence pinsîrs. Al fâs par di me, e jo o soi dentri chel mont di mais e cascs di tancj colôrs e telârs che a slusignin.
La bici e je biele, e come lis robis bielis, e vâ condividude.
Chest al è il spirit che o ai voie di puartâ e fâ cognissi dentri MTB Friuli. Un grup di int, ducj cu la stesse passion, cun cui che si cjolt il panorame, lis sburtadis lant in sù o lis sfidis lant in jù. Condivisi dai moments par sameâ plui simii, plui dongje, cun plui rispiet. Un mieç che al devente un fin: une pedalate te zornade miôr e une gnove e stupende prospetive.
Us spietìn là, difûr, insieme.
La MTB mi à cjatât cuant che o vevi 18 agns dopo altris sport: no soi mai rivât a stâ sito e fêr.
Il gno prin zîr in mont al è stât cun Francesco e po cun tancj altris, condividint la mê passion pe bici di ducj i tipos, di chê di strade ae all mountain. O pensi che e sedi un mût interessant par passâ timp insieme. Di plui, mi plâs ancje fâ lis fotos, ancje se nol è il gno mistîr. Tal rest dal timp o fâs Ingegnerie Civîl e dal Ambient. O colabori e o judi pal sît e pal progjet di MTB Friuli che mi permet di gjoldi lis maraveis de nestre Regjion.